Türkmenistanda ilkinji gezek altynly Ramon Molvizar atyr brend bilen tanyşdyryldy
Aşgabatda ýokary parfýumeriýa muşdaklary üçin ajaýyp waka boldy – paýtagtda ilkinji gezek dünýä meşhur Ramon Molvizar ispan brendiniň atyrlary tanyşdyryldy. Bu marka öz atyrlarynyň içine hakyky altyn bölekleriniň ýerleşdirmegi bilen tanalýar.
Ramon Molvizar – parfýumeriýa äleminde ajaýyplygyň we inçe nepisligiň nyşanyna öwrülen at. 2001-nji ýylda zehinli parfýumer Ramon Behar tarapyndan döredilen bu brend, Ispaniýanyň Sýerra-Newada dag eteklerindäki owadan Molwisar şäherjiginde döredildi. Döredilişiniň başyndan bäri bu brend parfýumerçilik sungatynyň adaty usullaryny innowasion pikirler bilen utgaşdyryp, ilkinji ysdan başlap haýran galdyrýan atyrlary döredýär.
Bu atyrlaryň esasy aýratynlygy – her flakonyň içinde 23-karatlyk altyn we platina bölekleriniň ýerleşdirilmegidir. Bu gymmatbaha metallar baýlygyň we nepisligiň nyşany bolup, atyr düzümlerine diňe ys taýdan däl, göz üçin hem aýratyn gymmatlyk berýär.
Flakonlaryň bezeginde ussalar Sýerra-Newada daglarynda çykarylýan dag kristalyny ulanýarlar.
Her bir flakon iň oňat ispan ussalary tarapyndan elde ýasalýar, gutylary bolsa seýrek agaç görnüşlerinden taýýarlanylýar. Şeýle iş diňe ussatlygy däl, köp wagty hem talap edýär – Ramon Molvizar parfýumerleriniň bir täze atyr düzüminiň döredilmegine iki ýyldan hem köp wagt gerek bolýar.
Brendiň ähli kompozisiýalary diňe tebigy, seýrek we gymmatbaha maddalardan taýýarlanylýar. Olaryň taýýarlanyş usuly berk gizlin saklanylýar, çykarylýan sany bolsa çäklidir. Her bir atyr üç aýratyn notadan durýar, özboluşly ys yzyny galdyrýar we deride uzak wagtlap saklanyp, sungat eseri ýaly kem-kemden açylýar.
Kolleksiýanyň aýratyn ýerini Royal Molvizar tapgyry eýeleýär – çäksiz söýgä, baýlyga we döredijilige bagyşlanan eserler toplumy. Bu atyrlar, saz simfoniýalaryna meňzeş, aýratyn takyklyk bilen döredilýär we ýatdan çykmajak sungat eserlerine öwrülýär.
Brend indi Türkmenistanda
«Gül Zemin» söwda merkezindäki dükanyň Ramon Molvizar brendiniň Türkmenistandaky resmi franşizasy bolmagy bilen, indi muşdaklar atyr düzümlerini daşary ýurtdan sargyt etmeli däldirler – «sungat ýaly atyrlary» göni Aşgabatda alyp bolýar.
ORIENT news
