Fransuz muzeýinde myhman $6,2 millionlyk banan installyasiýasyny iýdi
Fransiýanyň gündogaryndaky häzirki zaman sungat merkezi “Pompidou-Metz”-iň bir myhmany italiýaly suratkeş Maurisio Kattelanyň «Komediant» atly installyasiýasynyň bölegi bolan banany gyzyl çyzgydan çykyp, ony iýipdir.
Ol adam bu bananyň sungat eseri hökmünde 6,2 million dollara baha berilýändigini eşidip, geň galandygyny aýdypdyr. Netijede, ol banany arassalap, rahat ýagdaýda iýipdir. Muzeý işgärleriniň sözlerine görä, howpsuzlyk gullugy bolan waka täsir edipdir, ýöne myhman boýunça hiç hili arz-şikaýat gelmändir.
Soňra muzeý bu bananyň ýönekeý çalşylandygyny habar berdi. Şeýle ýagdaý bu işi döreden suratkeşiň konsepsiýasyna laýyk gelýär, sebäbi miwe wagt geçdigiçe zaýalanýar. Bu waka serginiň dowam etmegine ýa-da esere zyýan ýetirmändir. Suratkeş wakany degişme hökmünde kabul edip, bu myhmanyň “miwäni eseriň özi bilen çalşandygyny” belläpdir diýip, sebit metbugaty “Republicain Lorrain” ýazýar.
«Komediant» atly installyasiýa – diwaryň ýüzüne lentaly bananyň ýelmenilmeginden ybarat bu sungat eseri – 2024-nji ýylyň 21-nji noýabrynda açyk satuwda 6,2 million dollara satylypdy. Ol bananyň özi şol wagt bary-ýogy 35 sent durýardy we Nýu-Ýork bazaryndaky ýaşuly söwdagär Şah Alamdan satyn alnypdy. Bananyň satyn alynmagyndan bir hepde soň, hytaýly kriptomillioner Jastin San şol installyasiýany iýipdir.
ORIENT
