Türkmenistanda milli taryhy-medeni mirasyň gozgalýan gymmatlyklaryny döwlet tarapyndan hasaba almagyň tertibi tassyklanyldy
Ministrler Kabinetiniň 25-nji iýulda geçirilen mejlisinde Prezident Serdar Berdimuhamedow “Milli taryhy-medeni mirasyň gozgalýan gymmatlyklaryny döwlet tarapyndan hasaba almagyň Tertibini tassyklamak hakynda” Karara gol çekdi. Döwlet Baştutanynyň garamagyna resminamanyň taslamasy Türkmenistanyň Ministrler Kabinetiniň Başlygynyň medeniýet meseleleri we KHBS boýunça orunbasary Bahar Seýidowa tarapyndan hödürlendi.
Bu resminamanyň kabul edilmegi, Türkmenistanyň milli taryhy-medeni mirasyň gymmatlyklarynyň aýawly saklanylmagy we goralmagy ugrunda giň gerimli işlerde işde ýene bir ädim boldy. Täze tertip, aýratyn medeni gymmatlyklary hasaba almak, gorap saklamak we ulanmak şol sanda sungat eserlerini, arheologiki tapyndylary, seýrek golýazmalary, we amaly-haşam sungatlary boýunça bitewi çemeleşmeleri kadalaşdyrýar.
Türkmenistanyň Prezidenti milli taryhy-medeni mirasyň gozgalýan gymmatlyklaryny döwlet tarapyndan hasaba almagyň tertibini olary degişli tertip-düzgüne laýyklykda saklamaga, ylmy taýdan öwrenmäge şert döreder, şeýle hem bikanun dolanyşygyň we daşary ýurtlara eksport edilmeginiň öňüni alar diýip, aýrtyn belledi.
Döwlet tarapyndan hasaba almagyň Tertibini, öz gezeginde, taryhy-medeni ähmiýetli her bir obýektiň howpsuzlygyna we ýagdaýyna ygtybarly gözegçiligi üpjün etjek merkezleşdirilen sanawyň döredilmegine mümkinçilik berer.
ORIENT
