Hasyl-2025: Türkmen gallaçylary bir million tonnadan gowrak bugdaýy tabşyrdylar
Türkmenistanda orak möwsümi dowam edýär: ýuduň gallaçy kärendeçileri ak bugdaýyň bir million tonnadan gowragyny tabşyrdylar. Bu diňe bir san däl – bu kärendeçileriň, mehanizatorlaryň, sazlaşykly zähmetiniň şeýle hem oba hojalyk pudagyny hemmetaraplaýyn ösdürmek ugrunda edilýän tagallalaryň aýdyň netijesidir.
Ýetişdirilen hasyly ýygnamak işi doly güýjünde alnyp barylýar we her günde kabul ediş nokatlaryna bugdaýyň müňlerçe tonnasy gelip gowuşýar. Şeýle depginde alnyp barylmagy hasyly ýygnamaga gatnaşýanlaryň utgaşdyrylan işiniň we döwlet tarapyndan berilýän toplumlaýyn çäreleriň netijesinde mümkin boldy.
Oba hojalygyndaky gazanylýan üstünlikler – bu ulgamlaýyn işleriň netijesidir. Önümçilige ylmyň gazananlaryny we sanly tehnologiýalary ornaşdyrmak arkaly daýhanlara döwlet tarapyndan yzygiderli kömekler berilýär. Dünýäniň öňdebaryjy önüm öndürijileriniň kuwwatly oba hojalyk tehnikalarynyň yzygiderli satyn alynýar, mineral dökünler, ýokary hilli tohumlar bilen üpjün edilýär, tabşyrylan hasyl üçin hasaplaşyklaryň öz wagtynda geçirilýär.
Häzirki döwürde ähli welaýatlarda döwrebap däne saklaýjy we üweýji kärhanalaryň gurulmagy oba hojalyk ekini bolan bugdaýyň ýetişdirilmegine, gaýtadan işlenilmegine we saklanmagyna berilýän ünsüň örän uludygyny görkezýär.
ORIENT
