Türkmenistanyñ ilçisi Rimdäki Hakyda seýilgähiniñ açylyş dabarasyna gatnaşdy
Hakyda seýilgähinde bag ekmek hem-de Ýeñşiñ Gahrymanlary yadygärliginiñ düýbüni tutmak boýunça halkara çäresi Russiýa Federasiýasynyñ Italiýadaky ilçisiniñ hemişelik oturýan ýeri bolan Rimdäki Abamelek ýaýlasynda bolup geçdi. Beýik Watançylyk urşundaky Ýeñşiñ 80 ýyllygy mynasybetli geçirilen bu çäre barada TASS habar berýär. Habarda çärä GDA ýurtlarynyñ hem-de beýleki dostlukly döwletleriñ ilçileriniñ gatnaşandygy barada bellenilýär.
Rus diplomatlary sosna agajyny oturtdylar. Hazel we serwi agaçlaryny Ermenistanyñ, Gazagystanyñ, Gyrgyzystanyñ, Türkmenistanyñ, Özbegistanyñ, Hytaýyñ, Mongoliýanyñ, Zimbabweniñ, Belarusyñ, Wenesuelanyñ, Braziliýanyñ hem-de Yragyñ ilçihanalarynyñ ýolbaşçylary we wekilleri oturtdylar. Çäräni geçirmek baradaky başlangyjy öñe süren RF-iñ Italiýadaky Adatdan daşary we Doly ygtyýarly ilçisi Alekseý Paramonowyñ aýtmagyna görä, ekilen baglar milletparazçylyga we faşizme garşy bilelikde göreşen halklaryñ agzybirligini hem-de nesilleriñ sarsmaz arabaglanyşygyny alamatlandyrýar.
Geçen we häzirki asyrlarda milletparazçylyga we faşizme garşy göreşen Gahrymanlaryñ ýadygärliginiñ düýbüni tutujy daşynyñ açylşy ýene bir alamatly nyşan boldy. Italýan jemgyýetçiliginiñ diplomatlaryndan we wekillerinden ybarat rus diplomatik wekilhanasynyñ myhmanlaryna Rim Papalarynyñ portretçisi, rus suratkeşi Natalýa Sarkowa tarapyndan taýýarlanan ýadygärligiñ nusgalary görkezildi. Ilçi bag ekilen seýilgähiñ baryan bu ýadygärligiñ ýakyn ýyllarda guruljakdygy barada aýtdy.
ORIENT
