"Türkmenistan" awiakompaniýasy halkara gatnawlaryñ tertibini täzeledi

Maý 02, 2025 | 15:25 |7071

"Türkmenistan" awiakompaniýasy halkara uçuşlaryñ täze tertibi bilen tanyşdyrdy. Täzelenen gatnaw tertibi 1-nji maýdan başlap güýje girip, 2025-nji ýylyñ 25-nji oktýabryna çenli hereket eder.

Türkmen awia ýollarynyñ Dubaý, Abu-Dabi, Jidda, Deli, Pekin, Bangkok, Hoşimin, Kuala-Lumpur, London, Frankfurt, Milan, Moskwa, Kazan hem-de Stambul şäherlerine halkara ýolagçy gatnawlaryny amala aşyrýandygyny ýatladýarys.

"Türkmenistan" awiakompaniýasy öz ýolagçylaryna ähli ugurlar boýunça rahat uçuşlary üpjün etmäge çalyşýar.

Gatnawlaryñ doly tertibi bilen awiakompaniýanyñ resmi saýtynda tanşyp bolýar.

ORIENT news