ITSE 2025 sergisiniň çäklerinde gül bezegi, landşaft dizaýni we aşpezlik sungaty boýunça ussatlyk çykyşlar geçirildi
Türkmenistanyň Söwda-senagat edarasynda geçirilýän “Halkara söwda we hyzmatlar” (ITSE 2025) sergi-ýarmarkasynyň birinji iş gününde üç meşhur ugur boýunça ussatlyk çykyşlar guraldy: gül bezegi, landşaft dizaýni we aşpezlik sungaty.
Amaly ýumuşlar gelen myhmanlarda we sergä gatnaşyjylarda uly gyzyklanma döredip, olara diňe bir bu sungatlaryň esaslary bilen tanyşmaga däl-de, eýsem tejribeli hünärmenlerden gymmatly maslahatlary almaga mümkinçilik berdi.
Gül bezegi boýunça ussatlyk çykyşlar janly ösümliklerden owadan we özboluşly kompozisiýalary döretmek isleýänleriň ünsüni çekdi. Gül bezegçiler gülleri saýlamagyň syrlary, gül çemenleri düzmegiň usullary we dürli çäreleri bezemek işiniň tärleri bilen paýlaşdylar.
Landşaft dizaýni boýunça ussatlyk çykyşda hünärmenler taslamalaşdyrmanyň esasy ýörelgeleri hem-de mellek ýerleriň, şäher seýilgähleriň we beýleki ýaşyl zolaklaryň abadanlaşdyrmagy barada gürrüň berdiler.
Tagamly we özboluşly ajaýyp naharlaryň muşdaklary aşpezlik sungaty boýunça geçirilen ussatlyk çykyşda ýygnanşdylar. Baş aşpezler aňrybaş tagamly naharlary bişirmekde öz ukyp-başarnyklaryny görkezip hem-de özüniň hünär syrlary we täze taýýarlanyş usullary bilen paýlaşyp, gatnaşyjylary aşpezlik sungatynyň täze synanşyklaryna ruhlandyrdylar.
ORIENT news
