Aşgabatda dizaýner Aýşat Söýünowanyň “Dört möwsüm” atly kolleksiýasynyň görkezilişi geçirildi
Aşgabatdaky “Gülzaman” toý mekanynda ýaş dizaýner Aýşat Söýünowanyň “Dört möwsüm” atly kolleksiýasynyň moda görkezilişi geçirildi. Çärede orkestriň janly ýerine ýetirilmeginde aýdymz-sazlar ýaňlandy.
Çäräniň çäklerinde ýylyň her bir möwsüminiň aýratynlyklaryny we özüne mahsus bolan häsiýetlerini şöhlelendirýän egin-eşikler görkezildi. Gyşky köýnekler reňk öwüşgini we ýalpyldaýan matalaryň ulanylmagy bilen tapawutlandy.
Bahar egin-eşikleri ýeňil matalardan taýýarlanyp, pastel öwüşginlerini we gülli äheňleri öz içine aldy. Tomus kolleksiýasy açyk goýy reňklerde ýerine ýetirilip, tolkun atýan matalar ulanyldy. Güýz köýnekler köpgatly bolup, mahmal we galyň ýüpek matalardan taýýarlandy.
Guramaçylar ýaňlanan aýdym-sazyň kolleksiýa düşünmek üçin täsiri has-da güýçlendirendigini, moda we sazyň sazlaşykly utgaşdyrylmagynyň bolsa bu görkezilişi tomaşaçylar üçin ýatdan çykmajak edendigini belleýärler.
ORIENT news
