“Miwe” AGPJ — “QACIS 2025” maslahtynyň kümüş derejeli hemaýatkäri
Mindal maňyzy üçin “GLOBAL G.A.P.”-dan halkara sertifikatyna eýe bolan “Miwe” AGPJ Türkmenistanda dünýäniň durnukly oba hojalyk standartlaryna laýyk gelýändigi resmi taýdan tassyklanan ilkinji miweleri öndüriji boldy. Kompaniýanyň “QACIS 2025” (“Türkmenistanyň halkara standartlara laýyklykda hil üpjünçiligi”) atly maslahatynda kümüş derejeli hemaýatkär hökmünde gatnaşmagy, sebitiň oba hojalyk ulgamynda aç-açanlyk we ekologiýa taýdan arassa, hil medeniýeti ösdürmäge ygrarlydygyny tassyklaýar.
“Miwe” AGPJ — Ahal welaýatynda umumy meýdany 8200 gektardan gowrak meýdanda eýe bolan öňdebaryjy agrosenagat kärhanasydyr. Kompaniýanyň düzümine bagçylyk, önümçiligi gaýtadan işlemek we saklamak ugurlary bilen meşgullanýan “Hemsaýa”, “Gök Bulut”, “Datly Miwe” we “Miweli Atyz” ýaly hojalyk jemgyýetleri girýär.
Ekin meýdanlarynda alma, armyt, hurma, ülje, şetdaly, garaly, erik, mindal, şeýle hem ýer alma, kelem, sogan, käşir, sarymsak, gawun ýaly gök we bakja önümleri ösdürilip ýetişdirilýär. Ýyladyşhanalarynda banan hem ösdürilip ýetişdirilýär. Suwaryş işleri üçin awtomatlaşdyrylan damjalaýyn we çyzykly suwaryş ulgamlary ulanylýar hem-de sanly suwaryş dolandyryş ulgamy ornaşdyrylandyr.
“Erem” haryt nyşany bilen öndürilýän miweler sublimasiýa tehnologiýasy arkaly işlenilýär — bu usul miweleriň tagamyny, ysyny we peýdaly maddalaryny tutuş ýyl boýy saklamaga mümkinçilik berýär.
Kompaniýa döwrebaplaşdyrma, durnukly ösüş we eksport ugurly işleriň ösdürilmegine uly maýa goýýar. “QACIS 2025”-de gatnaşmagy bolsa, “Miwe” kompaniýasynyň Türkmenistanyň agrosenagat pudagynda halkara hil standartlaryny we durnukly tejribeleri öňe sürmekdäki goşandynyň tassyklamasy bolup hyzmat edýär.
