Ukrainanyň Türkmenistandaky we Gazagystandaky ilçihanalaryndaky üýtgeşmeler
Ukrainanyň Prezidenti Wladimir Zelenskiý 7-nji aprel güni birnäçe ilçini wezipä bellemek hakyndaky Permanlara gol çekdi. Hususan-da, Zelenskiý Wiktor Maýkony Ukrainanyň Türkmenistandaky ilçisi wezipesinden boşadyp, ony Gazagystandaky Ukrainanyň ilçisi edip belledi diýip, «Ukrain Milli Habarlar» agentligi habar berýär. Bellemek baradaky permanyň teksti Ukrainanyň Prezidentiniň resmi web sahypasynda ýerleşdirildi.
Wiktor Maýko Ukrainanyň Türkmenistandaky ilçisi wezipesinde iki gezek işledi: 2005-nji ýylyň martyndan 2010-njy ýylyň maýyna çenli (şol bir wagtyň özünde 2006-njy ýylyň maýyndan 2010-njy ýylyň maýyna çenli Owganystanda hem Ukrainanyň ilçisi bolup işledi), soňra 2021-nji ýylyň aprelinden bäri dört ýyl Ukrainanyň Aşgabatdaky diplomatik wekilhanasyna ýolbaşçylyk etdi.
ORIENT
