HGI-de Halkara Frankofoniýa güni mynasybetli geçirilen bäsleşigiň ýeňijileri sylaglandy
5-nji aprelde Türkmenistanyň Daşary işler ministrliginiň Halkara gatnaşyklary institutynda Fransiýanyň Türkmenistandaky Ilçihanasynyň ýanyndaky “Institut français” fransuz dili boýunça okuw merkezi tarapyndan Halkara Frankofoniýa güni mynasybetli guralýan fransuz dili boýunça bäsleşigiň jemleýji tapgyry geçirildi. Oňa Türkmenistanyň ýokary okuw we orta mekdepleriniň talyp ýaşlary we okuwçylary gatnaşdylar.
Bäsleşigiň başynda Halkara gatnaşyklary institutynyň rektory Gülşat Ýusupowa we Fransiýa Respublikasynyň Türkmenistandaky Adatdan daşary we Doly ygtyýarly Ilçisi Filip Merlen çykyş edip, bäsleşige gatnaşyjylara üstünlik arzuw etdiler.
Halkara Frankofoniýa güni mynasybetli “Institut français” fransuz dili boýunça okuw merkezi tarapyndan geçirilýän bu bäsleşik talyp ýaşlaryň we mekdep okuwçylaryň bu ugurda bilimlerini artdyrmaga we daşary ýurt dillerini has kämil derejede öwrenmeklerine ýardam edýär.
ORIENT
