Ýagşygeldi Kakaýew adyndaky Halkara nebit we gaz uniwersiteti Açyk gapylar gününi geçirer
23-24-nji aprelde Ýagşygeldi Kakaýew adyndaky Halkara nebit we gaz uniwersiteti ýokary okuw mekdebiň özünde hem-de onuň Balkan welaýatyndaky şahamçasynda Açyk gapylar günlerini geçirer.
Çäre sagat 15:00-da başlar. Açyk gapylar gününde ýaşlar okuw işi, hünärlere degişli taýýarlyk ugurlary, uniwersitetde geçirilýän okuw-terbiýeçilik we medeni-köpçülikleýin işi, şeýle hem okamak, ýaşamak, medeni dynç-alyş, sport bilen meşgullanmak üçin döredilen şertler hem-de halkara standartlara laýyk gelýän okuw otaglary, döwrebap tehnologiýalar bilen enjamlaşdyrylan amaly sapaklar üçin barlaghanalar, maglumat-tehnologiýa merkezi we oňaýly ýaşaýyş jaýlary bilen tanşyp bilerler.
Uniwersitet baradaky ähli maglumatlary iogu.edu.tm web-saýtynda tapyp bilersiňiz.
Uniwersitetiň salgysy: Aşgabat ş., Arçabil şaýoly, 8.
Habarlaşmak üçin: 39-13-05, 39-13-18.
Uniwersitetiň Balkan welaýatyndaky şahamçasynyň salgysy: Balkanabat ş., G.Annaýew köç., 76.
Habarlaşmak üçin: 4-93-62, 2-19-98. Elektron salgysy: iuog@sanly.tm; web-saýty: https://iogu.edu.tm
ORIENT news
