Taýland syýahatçylar üçin giriş düzgünlerini üýtgedýär
2025-nji ýylyň 1-nji maýyndan Taýland daşary ýurtly syýahatçylar üçin täze giriş düzgünlerini girizýär.
Taýlandyň Immigrasiýa edarasynyň habar berişi ýaly, ähli syýahatçylar ulag serişdesiniň görnüşine garamazdan, ýurda gelmezden 72 sagat öňünden TDAC (Thailand Digital Arrival Card) onlaýn-formasyny doldurmaly. Bu forma adaty TM6 kagyz görnüşli migrasiýa kartynyň ýerini tutar. TDAC formasyny birnäçe dil mümkinçiligini, şol sanda rus dilini üpjün edýän https://tdac.immigration.go.th/arrival-card/#/home saýtynda dolduryp bolar.
Pasport gözegçiligini geçmeýän üstaşyr ýolagçylar kadadan çykma bolup durýarlar. Mundan başga-da, Taýlandyň häkimiýeti 93 ýurduň raýatlary üçin wizasyz galmak möhletini 60 günden 30 güne çenli azaltmak meselesine hem seredýär. Emma bu babatda gutarnykly karar entek kabul edilmedi.
Girizilen bu üýtgetmeler immigrasiýa amallaryny döwrebaplaşdyrmagyň has giň maksatnamasynyň bölegi bolup durýar. Bu hili ulgamlar eýýäm Malaýziýa we Günorta Koreýa ýaly ýurtlarda girizildi.
ORIENT news
