Türkmenistanyň Koreýadaky ilçihanasy wagtlaýyn çäklendirmeler barada duýdurdy
Türkmenistanyň Koreýa Respublikasyndaky ilçihanasy raýatlary 2025-nji ýylyň 4-7-nji apreli aralygynda Seulda giriziljek wagtlaýyn çäklendirmeler barada duýdurdy. Şäher häkimliginiň maglumatlaryna laýyklykda, birnäçe etraplarda, şol sanda Çonno-guda we Çun-guda ähli ulag serişdeleriniň hereket etmegine çäklendirmeler giriziler.
Mundan başga-da, bu etraplarda, şeýle hem Seulyň merkezinde döwlet edaralary, muzeýler, mekdepler we metro stansiýalary wagtlaýyn işini duruzar. Anna gününden ýekşenbe gününe çenli adamlaryň uly üýşmelerine hem-de köpçülikleýin ulag serişdeleriniň ugurlaryndaky üýtgemelere garaşylýar.
Munuň bilen baglylykda, wagtlaýyn Koreýada bolýan Türkmenistanyň raýatlaryna adamlaryň köpçülikleýin üýşýän ýerlerine barmakdan saklanmagy maslahat berilýär.
ORIENT news
