Halkara gatnaşyklary instituty gutardyş synp okuwçylary «Açyk gapylar» gününe çagyrýar
TDIM-niň Halkara gatnaşyklary instituty 2025 — 2026-njy okuw ýylynda instituta okuwa girmäge isleg bildirýän Aşgabat şäherindäki 37-nji, 68-nji, 72-nji, 76-njy we 21-nji ýöriteleşdirilen okuw-terbiýeçilik mekdepleriniň gutardyş synp okuwçylaryny hem-de Arkadag şäherindäki mekdepleriň gutardyş synp okuwçylaryny şu ýylyň 1-nji aprelinde sagat 09:00-da, ýurdumyzyň orta mekdepleriniň okuwçylaryny, esgerleri, önümçilikde zähmet çekýän ýaşlary 14-nji we 30-njy aprelde sagat 09:00-da «Açyk gapylar» gününe çagyrýar. Bu barada TBM habar berýär.
«Açyk gapylar» gününde ýaşlar institutda öwredilýän hünärler, kompýuter, internet, sinhron-terjime we lingafon, interaktiw okuw otaglary, institutyň durmuşy baradaky stendler we wideofilm, şeýle hem «Türkmen diplomatiýasynyň taryhy» muzeýi, okuw studiýasy, institutda hereket edýän Ýaş diplomatlar merkezi, Türkmenistanyň diplomatiýasynyň möhüm ugurlary boýunça okuw merkezi hem-de Durnukly ösüş maksatlary boýunça ylmy-usulyýet merkezi bilen tanşyp bilerler.
Welaýatlardan okuwa girmäge isleg bildirýän dalaşgärler üçin:
Ahal welaýatynyň ýaşlary üçin — 1-nji, 14-nji we 30-njy aprelde sagat 09:00-da Türkmenistanyт Daşary işler ministrliginiň Halkara gatnaşyklary institutynda;
Balkan welaýatynyň ýaşlary üçin — 1-nji we 14-nji aprelde «Türkmennebit» döwlet konserniniň Balkanabat nebitçilik orta hünär okuw mekdebinde;
Daşoguz welaýatynyň ýaşlary üçin — 1-nji we 14-nji aprelde Türkmen oba hojalyk institutynda;
Lebap welaýatynyň ýaşlary üçin — 1-nji we 14-nji aprelde Seýitnazar Seýdi adyndaky Türkmen döwlet mugallymçylyk institutynda;
Mary welaýatynyň ýaşlary üçin — 1-nji we 14-nji aprelde Türkmenistanyň Döwlet energetika institutynda «Açyk gapylar» güni geçiriler.
Institutyň salgysy: Aşgabat şäheriniň Galkynyş köçesiniň 25-nji jaýy.
Habarlaşmak üçin tel: 26-61-13.
Maglumat almak üçin institutyň web sahypasy: www.iirmfa.edu.tm
ORIENT
