Türkmenistanyň Prezidenti Mýanmada ýertitreme zerarly gynanjyny bildirdi
Türkmenistanyň Prezidenti Serdar Berdimuhamedow Mýanma Bileleşigi Respublikasynyň Döwlet dolandyryş Geňeşiniň Başlygy, Premýer-ministri Min Aun Hlaýgna ýurduň merkezi sebitinde bolup geçen, köp sanly adam pidalaryna we şikes ýetmelere getiren ýertitreme zerarly gynanç hatyny iberdi. Tebigy betbagtçylyk köp sanly adam pidalaryna we uly möçberli weýrançylyklara getirdi.
Döwlet Baştutany gynanç hatynda şu agyr pursatda gurban bolanlaryň maşgalalaryna, dogan-garyndaşlaryna hem-de ýakynlaryna Türkmenistanyň halkynyň we Hökümetiniň adyndan, şeýle-de hut öz adyndan çuňňur gynanjyny we medet beriji sözlerini, ejir çekenlere bolsa tiz wagtda sagalmaklary baradaky dileglerini beýan etdi.
Halkara habarlar agentlikleriniň habaryna görä, 2025-nji ýylyň 28-nji martynda anna güni Mýanmanyň merkezinde güýçli titremeler boldy. Güýji 7,7 balla deň bolan ýeritremesi 1600-den gowrak adamyň pida bolmagyna sebäp boldy we ýaşaýyş jaýlara hem-de infrastruktura uly zyýan ýetirdi.
ORIENT
