Aşgabat Merkezi Aziýa bilen ÝB-iň arasyndaky hyzmatdaşlygy çuňlaşdyrmak boýunça dialogyň merkezi boldy
Aşgabat, 27-nji mart. / ORIENT / – “Ýewropa Bileleşigi — Merkezi Aziýa” formatyndaky 20-nji ministrler derejesinde Türkmenistanyň paýtagtynda geçirildi, şol ýerde sebit ýurtlarynyň we Ýewropa Bileleşiginiň daşary işler ministrlikleriniň ýolbaşçylary köptaraplaýyn hyzmatdaşlygyň köp meselelerini ara alyp maslahatlaşdylar.
Duşuşyga Türkmenistanyň, Täjigistanyň we Özbegistanyň Daşary işler ministrleri, Gazagystanyň we Gyrgyzystanyň Daşary işler ministrleriniň orunbasarlary, Ýewropa Bileleşiginiň daşary işler we howpsuzlyk syýasaty boýunça ýokary wekili, Ýewropa Komissiýasynyň wise-prezidenti Kaýa Kallas gatnaşdy.
Ministrler duşuşygynda 2023-nji ýylyň 23-nji oktýabrynda Lýuksemburgda geçirilen duşuşygyna gatnaşyjylar tarapyndan kabul edilen ÝB bilen Merkezi Aziýanyň arasynda gatnaşyklary çuňlaşdyrmak üçin Ýol kartasynyň bäş esasy ugrunyň durmuşa geçirilişine baha bermäge mümkinçilik boldy.
Söwda, ykdysady we maýa goýum hyzmatdaşlygynyň ösüşi, şeýle hem “Global Gateway” ýewropanyň strategiýasynyň çäginde ulag we sanly aragatnaşygyň giňeldilmegi ara alyp maslahatlaşmanyň esasy mowzugy boldy.
Duşuşykda Aşgabat şäherinde edara binasy ýerleşjek Türkmenistanyň Merkezi Aziýada howanyň üýtgemegi bilen bagly tehnologiýalar boýunça Sebit merkezini döretmek baradaky başlangyjyny göz öňünde tutup, alternatiw energiýa çeşmelerini durmuşa geçirmek we “ýaşyl” ykdysadyýeti ösdürmek boýunça hyzmatdaşlyk ara alnyp maslahatlaşyldy.
4-nji aprelde Samarkantda geçiriljek “ÝB — Merkezi Aziýa” formatyndaky ilkinji sammitine taýýarlyk işlerine üns berildi. Taraplar şeýle hem sebit we halkara gün tertibindäki möhüm meseleler boýunça pikir alyşdylar, möhüm meseleleri bilelikde çözmäge ygrarlydyklaryny tassykladylar.
Mundan başga-da, duşuşyga gatnaşyjylar medeni-ynsanperwer gatnaşyklary pugtalandyrmagyň geljegi, şol sanda bilim we ylym ugurlaryndaky hyzmatdaşlygy ara alyp maslahatlaşdylar.
Gatnaşanlar şeýle hem 2025-nji ýylda Türkmenistanyň hemişelik Bitaraplygynyň 30 ýyllygynyň bellenjekdigine üns berdiler, Merkezi Aziýa bilen ÝB-niň arasynda parlamentara gatnaşyklaryny mundan beýläk-de ösdürmegiň möhümdigini nygtadylar we 2025-nji ýylyň 5-9-njy apreli aralygynda Özbegistanda Merkezi Aziýada ilkinji gezek geçiriljek Parlamentara bileleşiginiň 150-nji mejlisini, şeýle hem 2025-nji ýylda Türkmenistanda geçiriljek “ÝB — Merkezi Aziýa” formatyndaky zenan ýolbaşçylarynyň forumyny goldadylar.
Şeýle hem, 2025-nji ýylda Özbegistanda indiki “ÝB — Merkezi Aziýa” ykdysady forumynyň guramaçylygy ara alnyp maslahatlaşyldy. Diplomatlar Türkmenistanyň 2027-nji ýylda indiki forumy geçirmek baradaky teklibini gutladylar.
Özbegistan Respublikasynyň we Türkmenistanyň BSG-e goşulmagyny goldaýandygyny tassyklady. Wekilýetler şeýle hem Ýewropa we halkara maliýe institutlarynyň Merkezi Aziýa bilen Ýewropanyň arasyndaky ulag aragatnaşygyny ep-esli gowulandyrjak multimodal, döwrebap, bäsdeşlige ukyply, dowamly, öňünden aýdyp boljak, intellektuak we täsirli ulgam hökmünde Hazarüsti ulag geçelgesini ösdürmek üçin 10 milliard ýewro bölüp bermäge taýýardygyny makulladylar.
Gatnaşanlar 2026-njy ýylda Astanada geçiriljek Sebitleýin howa sammitiniň we 2025-nji ýylyň 4-nji aprelinde Samarkantda geçiriljek halkara howa maslahatynyň ähmiýetini bellediler. ÝB indiki ministrler duşuşygyny 2026-njy ýylda Brýusselde geçirmegi teklip etdi.
Duşuşygyň netijeleri boýunça Bilelikdäki beýannamasy kabul edildi. Duşuşygyň çäklerinde Halkara parahatçylyk we ynanyşmak ýylyna bagyşlanan forum geçirildi
Ministrler duşuşygynyň çäginde wekilýetleriniň ýolbaşçylarynyň arasynda ikitaraplaýyn gepleşikler geçirildi.
ORIENT
