“Mars daşy” Osakada geçiriljek Bütindünýä sergisinde görkeziler
Ýaponiýanyň Kansaý prefekturasynda ýerleşýän Osaka şäherinde geçiriljek Expo 2025 Bütindünýä sergisinde giň köpçülige ilkinji gezek görkeziljek özboluşly mars meteoriti sergilener.
“Mars daşy” ady bilen belli bu meteorit 2000-nji ýylda ýapon ylmy-barlag ekspedisiýasy tarapyndan Antarktidada tapyldy. Onuň regbi topuna deň ölçegleri bar, agramy bolsa 13 kg. Bu hem ony onlarça müň ýyl mundan ozal Ýere düşen Marsyň iri we belli meteoritleriniň birine öwürýär.
Meteorit jikme-jik öwrenildi we onuň Marsdan gelip-çykyşy düzümindäki inert gazlaryň derňewi netijesinde tassyklandy.
Meteoriti saklaýan Tokiodaky Milli polýar ylmy-barlag institutynyň Jemgyýetçilik bilen aragatnaşyk bölüminiň müdiri edil 1970-nji ýylyň Osaka Expo sergisinde “Aý daşy” bilen bolşy ýaly, bu eksponatyň hem adamlary Älem-jahanyň we planetamyzyň täsinlikleri barada oýlanmaga ruhlandyrar diýip, umyt bildirdi.
Meteorit Ýaponiýanyň pawilýonynda sergi 2025-nji ýylyň oktýabrynda ýapylýança sergilener.
ORIENT news
