BMG-niň Ilat gaznasy Türkmenistan üçin täze Ýurt maksatnamasyny taýýarlady
Birleşen Milletler Guramasynyň Ilat gaznasynyň (UNFPA) Türkmenistandaky wekilhanasy milli hyzmatdaşlaryny 2026-2030-njy ýyllar üçin Ýurt maksatnamasy bilen tanyşdyrdy.
Bu çäre UNFPA bilen Türkmenistanyň arasyndaky hyzmatdaşlygy pugtalandyrmakda möhüm ädim boldy.
Milli hymzatdaşlar bilen bilelikde işläp taýýarlanylan Ýurt maksatnamasy ýakyn bäş ýyl üçin UNFPA-nyň ýurtda alyp barjak işiniň esasy ugurlaryny kesgitleýär. Ol 2024-nji ýylda geçirilen maslahat beriş duşuşyklarynyň netijelerine esaslanyp, Türkmenistanyň ilatynyň milli ileri tutulýan ugurlaryna we zerurlyklaryna laýyk gelýär.
“UNFPA durnukly ösüş maksatlaryna ýetmekde Türkmenistana goldaw bermek işine gyşarnyksyz ygrarlylygyny görkezýär. Biz 2026-2030-njy ýyllar üçin Ýurt maksatnamasyny üstünlikli durmuşa geçirmek üçin milli hymzatdaşlar bilen ýakyn we netijeli hyzmatdaşlyga daýanýarys. Bilelikdäki tagallalar bilen Maksatnama Türkmenistanyň ilatynyň abadançylygyny ýokarlandyrmakda özüniň möhüm goşandyny goşjakdygyna ynanýarys” – diýip, UNFPA-nyň Türkmenistan boýunça Ýurt direktory Çinwe Ogbonna belledi.
ORIENT news
