Türkmenistanyñ ilçihanasy Bişkekde bag ekmek dabaralaryna gatnaşdy
22-nji martda Türkmenistanyñ Gyrgyz Respublikasyndaky ilçihanasy Gyrgyz Respublikasynyñ Daşary işler ministrligi bilen bilelikde Birleşen Milletler Guramasynyñ Azyk we oba hojalyk guramasy (FAO) tarapyndan guralan bag ekmek dabaralaryna gatnaşdy. Çäre Bişkek şäheriniñ "Adinaý" seýilgähinde geçirildi.
Çära Türkmenistanyñ Adatdan daşary we Doly ygtyýarly ilçisi N.Golliýew, Gyrgyz Respublikasynyñ daşary işler ministri Ž.Kulubaýew, şeýle hem Gyrgyzystanda akkreditlenen diplomatik missiýalaryñ we halkara guramalaryñ wekiliýetleriniñ ýolbaşçylary gatnaşdy.
Her ýyl 21-nji martda bellenilýän Halkara tokaýlar güni mynasybetli dabaranyñ çäklerinde dagdan agajynyñ 50 nahaly we dub agajynyñ 50 nahaly oturdyldy.
Bag ekmek dabarasy şäheri bagy-bossanlyga büremekde we ekologiýa ýagdaýynyñ gowulandyrylmagynda möhüm goşant boldy. Gatnaşyjylar şeýle başlangyçlaryñ derwaýysdygyny aýdyp, geljekde munuñ ýaly taslamalary goldajakdygyna ynam bildirdiler diýip, Türkmenistanyñ ilçihanasynda bellenilýär.
ORIENT news
