Türkmen syýahatçylary üçin Nusa-Penida adasyna täze ugur açyldy
“Lebap Travel” syýahatçylyk kompaniýasy Türkmenistanyň ýaşaýjylary üçin “Nusa-Penida adasynyň hazynasy” täze gyzykly ugry hödürleýär. Syýahatçylyk maksatnamasy Indoneziýanyň iň owadan we öň barylmadyk künjegi bolan Nusa-Penida adasyna baryp görmegi öz içine alýar.
Ugur Kuala-Lumpurda başlap, ol ýerden syýahatçylar meşhur Bali adasyna ugrarlar. Onuň tebigy gözellikleri bilen tanyş bolanlaryndan soň, syýahatçylara ýokary tizlikli katerde Nusa-Penida adasyna çenli ýol garaşýar. Bu ada özüniň ýuwaş kenarýakalarynyň we gaýaly manzaralarynyň netijesinde “hakyky jennet” diýlip atlandyrylýar.
Maksatnama snorkling-syýahaty öz içine alyp, onda köplenç adanyň kenarlaryna mekan tutunýan deňiz ägirtleri bolan mantlary (Manta Birostris) görüp bolýar.
Şeýle hem, meşhur tebigy ýadygärliklerine baryp görmek göz öňünde tutulan: Karang Dawa meýdançasy, Broken Biç aýlagy we özüniň manzaraly gaýalary bilen Nusa-Penida adasynyň ýüzüne öwrülen Kelingking kenary.
Baý ekskursiýa maksatnamasyndan daşary syýahatçylar kenarda dynç alyp bilerler hem-de ýerli sazandalaryň agşamky konsertlerini diňläp bilerler.
“Lebap Travel”-da habar berilşi ýaly, ugur 8 gündizden we 7 gijeden ybarat bolup, syýahatçlyk 4 ýyldyzly myhmanhanada ýaşamagy, maksatnama boýunça gezelençleri, maksatnama boýunça transferleri we Bali-Nusa-Penida-Bali katerine biletleri öz içine alýar.
Maksatnamanyň doly görnüşi we syýahatçylyk nyrhlary bilen “Lebap Travel” syýahatçylyk agentliginiň edarasynda tanşyp bilersiňiz.
Habarlaşmak üçin:
(+99363) 17-55-57
Sosial ulgamlar:
Tik-tok - @le._travel.tm
Instagram - @le.travel.tm
