Türkmenistanyň ilçisi Ermenistanyň Söwda-senagat palatasynyň wise-prezidenti bilen duşuşyk geçirdi

Mart 22, 2025 | 14:00 |6303

Çeşme: Ermenistan Respublikasyndaky Türkmenistanyň ilçihanasy tarapyndan berlen

2025-nji ýylyň 21-nji martynda Türkmenistanyň Ermenistan Respublikasyndaky Adatdan daşary we Doly ygtyýarly ilçisi M. Aýazow Ermenistan Respublikasynyň Söwda-senagat palatasynyň wise-prezidenti Karen Iwanowy kabul etdi.

Duşuşygyň dowamynda dostlukly iki ýurduň söwda-ykdysady mümkinçiliklerini giňeltmek we özara haryt dolanyşygyny artdyrmak meseleleri ara alnyp maslahatlaşyldy.

Söhbetdeşler ulag-logistika infrastrukturasyna we logistiki gatnaşyklaryna degişli meseleleri hem maslahatlaşdylar. Gepleşikleriň çäklerinde Ermenistanda Türkmenistanyň Söwda öýüni açmagyň mümkinçiligi ara alnyp maslahatlaşyldy.

ORIENT news

Türkmenistanyň ilçisi Ermenistanyň Söwda-senagat palatasynyň wise-prezidenti bilen duşuşyk geçirdi

Beýleki habarlar

Raşid Meredow ABŞ-nyň ilçisi Elizabet Rud bilen onuň Aşgabatdaky diplomatik işiniň jemleri barada pikir alyşdy

Türkmenistanyň Prezidenti bilen Gruziýanyň Premýer-ministriniň gepleşikleri

Türkiýede daýwing: batyp galan gämileri we gowaklary görmek üçin iň gowy ýerler