Turkish Airlines Stambul-Aşgabat-Stambul ugry boýunça gatnawlaryñ sanyny köpeldýär
2025-nji ýylyñ 30-njy martyndan başlap Stambul bilen Aşgabadyñ arasyndaky gatnawlaryñ sany hepdede 14-e çenli köpeldiler. Bu barada Aşgabatdaky Turkish Airlines awiakompaniýasynyñ wekiliýetinde ORIENT saýtyna habar berdiler. Ozal türk awiadaşaýjysy bellenen ugur boýunça hepdede 11 gatnawlary amala aşyrýardy.
Täze gatnawlaryñ tertibi:
2025-nji ýylyñ 30-njy martyndan 9-njy iýunyna çenli:
– TK 322 gatnawy: Stambuldan sagat 20:15 uçup, sagat 02:00 Aşgabada gonýar (her gün).
– TK 323 gatnawy: Aşgabatdan sagat 03:20 uçup, Stambula sagat 05:35 gonýar (her gün).
2025-nji ýylyñ 31-nji martyndan 25-nji oktýabryna çenli:
– TK 324 gatnawy: Stambuldan sagat 01:10 uçup, Aşgabada sagat 06:55 gonýar (her gün).
– TK 325 gatnawy: Aşgabatdan sagat 08:15 uçýar, Stambula sagat 10:30 gonýar (her gün).
2025-nji ýylyñ 10-njy iýunyndan 24-nji oktýabryna çenli:
– TK 322 gatnawy: Stambuldan sagat 20:15 uçýar, Aşgabada sagat 01:50 gonýar (sişenbe, penşenbe, şenbe günleri).
– TK 323 gatnawy: Aşgabatdan sagat 03:20 uçýar, Stambula sagat 05:30 gonýar (çarşenbe, anna, ýekşenbe günleri).
Gatnawlaryñ ýygylygynyñ köpeldilmegi ýolagçylara syýahatlaryny öñünden düzmek üçin has köp mümkinçilikleri üpjün edip, Türkmenistan bilen Türkiýäniñ arasynda ulag gatnawyny gowulandyrar.
