Sinszýan bilen Merkezi Aziýanyñ ýurtlarynyñ arasynda adaty hytaý lukmançylygynda ulanylýan dermanlyk çig-mallary satyn almak üçin platforma işe girizildi
Hytaýyñ Sinszýan-Uýgur awtonom welaýatynda adaty hytaý lukmançylygynda ulanylýan dermanlyk çig-mallary import we eksport etmek üçin täze platforma işe girizildi. Ýerli köpçülikleýin habar beriş serişdelerine salgylanyp, Sinhua agentliginiñ habar bermegine görä, bu başlangyç Sinszýan bilen Merkezi Aziýanyñ ýurtlarynyñ arasyndaky söwda işini añsatlaşdyrmaga, "Bir guşak, bir ýol" başlangyjyñ çäklerindäki hyzmatdaşlygyñ ösmegine itergi bermäge gönükdirilendir.
Platforma söwda ýollary sanlylaşdyrýar. Bu bolsa logistikanyň wagtynyň we çykdajylaryň ep-esli derejede azalmagyna getirýär. Täze platforma geografiki çäklendirmeleri ýeñip geçmäge hem-de satuw ugurlaryny giñeltmäge mümkinçilik berer.
Platforma 20 müñ inedördül metr meýdanyndaky intellektual aýawhanany hem-de ýylda 50 müñ önümçilik kuwwaty bolan adaty hytaý lukmançylygyñ dermanlyk çig-malyny barlamak üçin ammary öz içine alýar. Bu bolsa Sinszýandan we Merkezi Aziýa ýurtlaryndan gelýän harytlary netijeli dolandyrmaga ýardam berýär.
Sinszýanyñ farmasewtik senagaty birleşmesiniñ ýolbaşçysy Çen Szinçeniñ belleýşi ýaly, Sinzýan adaty hytaý lukmancylygynda ulanylýan dermanlyk çig-mal serişdelerine baýdyr.
ORIENT news
