Okuwçylaryň arasynda geçirilýän “Altyn asyryň altyn zehinleri” ders bäsleşikleriniň ýeňijileri kesgitlendi
2025-nji ýylyň 12-13-nji martynda 11-12-nji synp mekdep okuwçylaryň arasynda geçirilýän “Altyn asyryň altyn zehinleri” atly ders bäsleşikleriniň döwlet tapgyry geçirildi.
Döwlet tapgyry Türkmenistanyň Bilim ministriniň 2025-nji ýylyň 5-nji martyndaky 71 belgili buýrugyna laýyklykda, Magtymguly adyndaky Türkmen döwlet uniwersitetinde astronomiýa, geografiýa (jemi 102 okuwçy ganaşdy), Türkmenistanyň Oguz han adyndaky Inžener tehnologiýalar uniwersitetinde himiýa, fizika, biologiýa (276), Seýitnazar Seýdi adyndaky Türkmen döwlet mugallymçylyk institutynda matematika, informatika (184), Türkmen oba hojalyk institutynda taryh (53), Türkmenistanyň Döwlet energetika institutynda rus dili (92), Beki Seýtäkow adyndaky Mugallymçylyk mekdebinde türkmen dili we edebiýat (51), Hydyr Derýaýew adyndaky Mugallymçylyk mekdebinde iňlis dili (53) okuw derslerinden geçirildi.
Zehin bäsleşigiň döwlet tapgyryna Aşgabat, Arkadag şäher hem-de welaýat tapgyrlarynda ýeňiji bolan okuwçylar, şeýle-de 2023-2024-nji okuw ýylynda bäsleşigiň döwlet tapgyrynda 1-nji, 2-nji derejeli diplomlar bilen sylaglanan 811 okuwçy gatnaşdy.
13-nji martda bäsleşigiň jemleri jemlenildi we ýeňijiler yglan edildi.
Bäsleşigiň netijeleri baradaky maglumatlar bilen TBM-niň web sahypasynda berlen habarda tanşyp bilersiňiz.
ORIENT
