IFT 2025: Halkara maýa goýum forumy öňdebaryjy kompaniýalary çeker
2025-nji ýylyň 18-nji martynda Aşgabat şäherinde “Türkmenistanyň geljegine maýa goýumlar” (IFT 2025) atly hususy bölege maýa goýumlary çekmek boýunça Halkara forumy geçiriler. Çäre eýýäm hem daşary ýurt, hem ýerli kompaniýalaryň arasynda uly gyzyklanma döretdi.
Forum Türkmenistanyň hususy telekeçiliginiň ileri tutulýan taslamalary bilen tanyşmaga hem-de halkara bilermenler bilen tejribe alyşmaga ajaýyp mümkinçilik berer.
IFT 2025 forumynyň Baş hyzmatdaşlarynyň biri Türkmenistanyň gurluşyk pudagynyň ykrar edilen lideri “Ojar Aziýa” hususy kärhanasy bolup çykyş edýär. 2008-nji ýyldan bäri, kompaniýa dürli maksatly binalary we desgalary gurmak boýunça giň gerimli taslamalary durmuşa geçirip, gurluşygyň ýokary depginlerini we ýokary hilini görkezýär.
2024-nji ýylda “Ojar Aziýa” kompaniýasy “Sino Hydro Bureau 12.Co., Ltd.” Ýewraziýa wekiliýeti bilen ylalaşyga gol çekdi. Hyzmatdaşlygyň çäklerinde “Sarahs-Mary-Serhetabat” ýokary tizlikli awtomagistral ýolunyň gurluşygy meýilleşdirilýär. Munuň özi ýurduň ulag infrastrukturasyny ösdürmekde möhüm ädim bolar.
Gurluşykdan başga-da, “Ojar Aziýa” kompaniýasy logistika ugruny işjeň ösdürip, netijeli we öz wagtyndaky ýük daşamalaryny üpjün edýär. Kompaniýa rahatlyga we howpsuzlyga gönükdirilen taslamalary döretmek bilen, häzirki zaman tehnologiýalary we adaty çemeleşmeleri integrirlemek isleýär. IFT 2025 işewür gatnaşyklary ösdürmek we Türkmenistanda täze maýa goýum mümkinçiliklerini ara alyp maslahatlaşmak üçin möhüm meýdança bolar.
Forumyň resmi saýty: https://ift.com.tm
ORIENT
