Aşgabatda ÝHHG-niň Merkezi Aziýada serhet dolandyryşy boýunça sebitleýin okuw maslahaty geçirildi
ÝHHG Merkezi Aziýadaky barlag-göýberiş nokatlarynda hyzmatdaşlygy güýçlendirmek üçin Türkmenistanda üç günlük okuw maslahatyny gurady.
4-6-njy mart aralygynda Aşgabatda Merkezi Aziýanyň üstaşyr geçelgeleri boýunça barlag-göýberiş nokatlaryny dolandyrmak boýunça sebitleýin okuw maslahaty geçirildi. Çäräni ÝHHG-niň Aşgabatdaky merkezi gurady.
Garyşyk görnüşinde geçirilen okuw maslahata Merkezi Aziýanyň bäş ýurdunyň dürli pudaklaýyn edaralarynyň işgärleri gatnaşdy: serhet, gümrük, migrasiýa, weterinariýa, fitosanitar, sanitariýa-epidemiologiki hyzmatlar we hukuk goraýjy edaralar.
Gatnaşanlar barlag-göýberiş nokatlaryny dolandyrmak, toplumlaýyn we ylalaşylan serhet dolandyryşy we maglumat alyş-çalyş ulgamynda tejribe alyşdylar.
ÝHHG-niň Aşgabatdaky merkeziniň ýolbaşçysy Jon MakGregor, ÝHHG Türkmenistanyň Hökümetiniň serhet dolandyryşy babatynda sebitleýin hyzmatdaşlygy güýçlendirmek ugrundaky tagallalaryna işjeň goldaw berýändigini aýtdy. Barlag-göýberiş nokatlarynyň netijeliligini we howpsuzlygyny ýokarlandyrmak üçin dürli hyzmatlaryň arasynda öňdebaryjy tejribäni we maglumatlary paýlaşmagyň möhümdigini aýtdy.
“ÝHHG Türkmenistanyň Hökümetiniň serhet, gümrük we migrasiýa gulluklarynyň, şeýle hem hukuk goraýjy edaralaryň, weterinariýa we sanitariýa guramalarynyň arasynda barlag-göýberiş nokatlaryny, toplumlaýyn ýa-da sazlaşykly dolandyryş ulgamynda öňdebaryjy tejribäniň alyş-çalşyny ýeňilleşdirmek, arkaly ikitaraplaýyn we sebitleýin hyzmatdaşlygy güýçlendirmek, şeýle hem maglumat alyş-çalşygy ugrundaky tagallalaryny goldaýar” – diýip, Jon MakGregor aýtdy.
Bu çäre Beýik Britaniýanyň, ÝHHG-niň sekretariatynyň serhet howpsuzlygy we dolandyryş bölüminiň, BMG-niň Terrorçylyga garşy göreşmek boýunça komitetiniň (UNOCT) Terrorçylyga garşy syýahat yzarlamasy (CT Travel) maksatnamasynyň we Ýewropa Bileleşiginiň BOMCA-10 maksatnamasynyň öňdebaryjy bilermenleri gatnaşdy.
BMG-niň Terrorçylyga garşy syýahat yzarlaýyş maksatnamasy (CT Travel) hukuk esaslary, Merkezi Aziýadan agza döwletlere berilýän goldaw we tehniki kömek, şeýle hem ýolagçy barada öňünden maglumat bermek (API) we ýolagçylaryň bellige ýazgylaryny (PNR) durmuşa geçirmek bilen baglanyşykly esasy meseleler barada umumy maglumat berdi. “CT Travel” maksatnamasy agza döwletlere daşary ýurtly terrorçy-söweşijileriň hereketi bilen abanýan howpuň öňüni almak üçin 2019-njy ýylda işe girizildi.
Bu okuw maslahaty, Germaniýanyň Hökümetiniň maliýe goldawy bilen “Türkmenistanyň Döwlet serhet gullugynyň mümkinçiliklerini güýçlendirmek” merkeziniň býudjetden daşary multidonor taslamasynyň çäginde gurnaldy.
ORIENT
