TDHÇMB-da söwdalaşyklar: nebit-himiýa önümleri, boýalan žakkard sütükli önümler, buýan kökli çaý içgisi satyn alyndy
6-njy martda, penşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa we ýeňil senagaty önümleri ýerlenildi.
BAE-niň telekeçileri “Türkmennebit” Döwlet konserni bilen “SN-350” kysymly esas ýagyny satyn almak barada geleşik baglaşdy.
Türkmenistanyň işewür toparlarynyň wekillerinden olar nebit galyndylaryny satyn aldylar.
Owganystanyň telekeçileri “Türkmenhimiýa” Döwlet konserni bilen “EKO 93” kysymly awtoulag benzinini satyn almak barada geleşik baglaşdylar.
Ukrainanyň işewürleri türkmen telekeçilerinden boýalan žakkard sütükli önümlerini, Germaniýanyň işewürleri bolsa – buýan kökli çaý içgisini satyn aldylar.
Söwdalaşyklaryň netijesinde umumy bahasy 6 396 193,70 ABŞ dollaryna barabar bolan 6 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
