Russia Halal Expo 2025: Russiýanyň iň uly halal senagaty sergisi Kazanda geçiriler
14-16-nji maý aralygynda Halkara sergi merkezi «Kazan Ekspo»-da Russiýanyň iň uly halkara halal senagaty sergisini – Russia Halal Expo 2025-i geçiriler. Bu çäre XVI Halkara Ykdysady Forumy «Russiýa – Yslam dünýäsi: KazanForum» çäginde guralýar. Ol gatnaşyjylara diňe bir önümlerini tanyşdyrmak däl, eýsem, dürli ýurtlardan gelen telekeçiler, maýadarlar we döwlet edaralarynyň wekilleri bilen işewür gatnaşyklar gurmak üçin mümkinçilik döreder.
«Häzirki wagtda halal – bu halkara hil ülňüsidir. Russiýa halal önümleriniň eksportyny işjeň ösdürýär, biziň sergimiz bolsa telekeçilere täze bazarlara çykmak we ygtybarly hyzmatdaşlar tapmak üçin güýçli gural hödürleýär. 80-den gowrak ýurduň gatnaşmagy bu wakany mümkinçilikleri boýunça özboluşly edýär» diýip, Tatarystan Respublikasy Döwlet maýa goýum ösüş agentliginiň ýolbaşçysy, KazanForum-yň federal guramaçylyk komitetiniň agzasy Talýa Minullina belleýär.
2024-nji ýylda sergä 324 kompaniýa gatnaşyp, ekspozisiýa meýdany 42 müň inedördül metrden ybarat boldy. 2025-nji ýylda Russia Halal Expo-a gatnaşyjylaryň sanynyň artmagyna garaşylýar.
Sergi 8 esasy ugury öz içine alar:
-maýa goýum we infrastruktura taslamalary – hyzmatdaşlary çekmek we maliýeleşdirmek mümkinçiligi;
-tehnologiýa hyzmatdaşlygy – yslam ykdysadyýetinde özara bähbitli taslamalar;
-B2B-meýdança – iri we orta kärhanalaryň önümlerini hödürlemek;
-halkara stendler – dürli ýurtlaryň kompaniýalarynyň gatnaşmagy;
-Russiýanyň sebitleri – sebit önüm öndürijileriniň mümkinçiligini görkezmek;
-hyzmatdaşlar we hemaýatkärçiler – halal senagatynyň öňdebaryjylary;
-yslam maliýe ulgamy – şerigat düzgünleri boýunça işewürligi maliýeleşdirmek gurallary;
-maşyn gurluşygy – halal önümçiligi üçin enjamlar.
Şeýle hem, 13-18-nji maý aralygynda Kazanda «Russiýa – Yslam dünýäsi: KazanForum» XVI Halkara ykdysady forumy geçiriler. Onda yslam ykdysadyýetiniň ösüşi we halkara hyzmatdaşlyk bilen bagly möhüm meseleler ara alnyp maslahatlaşylar.
Sergä gatnaşyjy hökmünde hasaba alynmak üçin ýüz tutmalar 2025-nji ýylyň 17-nji apreline çenli kabul edilýär. Arza ibermek üçin: halalexpo@kazanforum.ru
Metbugat wekilleri üçin akkreditasiýa şu salgyda mümkindir: https://kazanforum.ru/presscenter/accreditation-terms-and-conditions/
ORIENT
