OPEK+ ýurtlary aprel aýyndan nebitiň gazyp alnyşyny ýokarlandyrmak baradaky kararyny tassykladylar
OPEK+ guramasynyň sekiz ýurtlary, şol sanda Saud Arabystany, Russiýa, Yrak, BAE, Kuweýt, Gazagystan, Alžir we Oman 2025-nji ýylyň 1-nji aprelinden nebitiň gazyp alnyşyny ýokarlandyrmak baradaky kararyny tassykladylar.
Ozal bu ýurtlaryň wekilleriniň gatnaşmagynda global bazaryň ýagdaýyny we onuň ösüş mümkinçiliklerini ara alyp maslahatlaşmak üçin onlaýn-duşuşyk geçirildi.
Ozal ýetilen ylalaşyklara laýyklykda, meýletin azaldylan möçberleri bir gije-gündizde 2,2 mln barrele kem-kemden we çeýe dikeltmek meýilleşdirilýär. Hususan-da, Birleşen Arap Emirlikleri (BAE) 2025-nji ýylyň aprelinden – 2026-njy ýylyň sentýabryna çenli özüniň gazyp alnyşyny bir gije-gündizde 300 müň barrele ýokarlandyrar.
Şeýle hem, duşuşykda gazyp alnyşyň artykmaç möçberi bolan ýurtlar üçin öwezini dolmak tertibi barada maslahatlaşyldy.
OPEK+ bazar ýagdaýyna gözegçilik etmegi dowam edýär hem-de öz meýillerini bazardaky üýtgeşmelere laýyklykda uýgunlaşdyrmaga taýýar. Birleşige gatnaşyjylar gazyp alnyşyň ýokarlandyrylmagynyň nebit nyrhlaryny durnuklaşdyrmaga we energiýa göterijilerine bolan barha artýan islegi kanagatlanrymaga ýardam berjegine ynanýarlar.
ORIENT news
