Türkmenistanyň sebitleriniň häkimlikleriniň işgärleri wezipä bellenildi we wezipeden boşadyldy
Mart 04, 2025 | 04:15 |8740
Prezident Serdar Berdimuhamedow Balkanabat şäheriniň we Daşoguz welaýatynyň Görogly etrabynyň häkimlikleriniň işgärlerini wezipä bellemek we wezipeden boşatmak barada Permana gol çekdi.
Döwlet Baştutany Balkanabat şäheriniň häkiminiň orunbasary Myrat Nazarowy Balkanabat şäheriniň häkiminiň wezipesini wagtlaýyn ýerine ýetirmekden boşatdy we bu wezipä ozal Balkan welaýatynyň häkimliginiň iş dolandyryjysy wezipesinde işlän Maksat Paşanakowy belledi.
Mundan başga-da Türkmenistanyň Prezidenti Bäşimdurdy Mämedowy Daşoguz welaýatynyň Görogly etrabynyň häkimi wezipesinden boşatdy we bu wezipä Kakamyrat Orazgulyýewi belledi.
ORIENT
