“Düýe guş” kompaniýasy – IFT 2025 forumynyň bürünç hyzmatdaşy
Aşgabatda şu ýylyň 18-nji martynda geçiriljek Türkmenistanyň hususy bölegine maýa goýumlary çekmek boýunça halkara forumyna taýýarlyk görülýär. Çärede hususy bölekde ygtybarly maýa goýum mümkinçiliklerine we taslamalaryň durmuşa geçirilmegine serediler, uzak möhletleýin maýa goýumlar üçin ykdysadyýetiň ileri tutulýan pudaklary hödürlener.
Çäre hem Türkmenistanyň, hem-de daşary ýurtlaryň meşhur spikerlerini ýygnar. Geçiriljek forumyň esasy hyzmatdaşlarynyň biri bolup, Türkmenistanyň Senagatçylar we Telekeçiler birleşmesiniň agzasy bolan “Düýe guş” türkmen kompaniýasy çykyş eder. Ahal welaýatynyň Ak Bugdaý etrabynda ýerleşýän bu özboluşly ferma tebigatyň, saglyk baradaky aladanyň we iň ýokary hil standartlarynyň arasyndaky sazlaşygyň aýdyň nusgasy boldy.
2022-nji ýylda esaslandyrylan “Düýe guş” kompaniýasy 3 müňe golaý hindi guşlaryň saklanylmagyna niýetlenen. Bu ajaýyp guşlar ýokary temperaturalara durnukly bolup, Türkmenistanyň howa şertlerine birkemsiz uýgunlaşdylar. Kompaniýanyň hünärmenleri olaryň saglygyna jikme-jik gözegçilik edip, tebigy iým bilen üpjün edýärler we idegiň ähli inçeliklerini berjaý edýärler.
Özüniň özboluşly çemeleşmesiniň we ýokary hil standartlarynyň netijesinde “Düýe guş” kompaniýasy Türkmenistanyň oba hojalyk pudagynda möhüm ýer eýeledi. Kompaniýanyň IFT 2025 forumyna gatnaşmagy onuň ösüşe, innowasiýalara we halkara giňişlikde orunlaryny berkitmäge bolan islegini açyp görkezýär.
IFT 2025 forumy “Düýe guş” ýaly türkmen kompaniýalarynyň üstünlikli taslamalaryny görkezmek üçin meýdança öwrülip, beýleki gatnaşyjylary oba hojalyk pudagyna öňebaryjy tejribeleri ornaşdyrmaga ruhlandyrar. Foruma gatnaşyp, hususy bölegiň ösüşine goşant goşmak üçin IFT 2025 https://ift.com.tm resmi saýtyna geçiň.
Ozal habar berşimiz ýaly, Penza kompaniýalary Türkmenistandaky IFT 2025 Halkara foruma çagyryldy
ORIENT
