Abu-Dabide Arap ýurtlary-Merkezi Aziýa-Azerbaýjan işewürlik forumy geçirildi
Abu-Dabi şäherinde arap ýurtlarynyň, Merkezi Aziýa ýurtlarynyň we Azerbaýjanyň arasyndaky hyzmatdaşlyga bagyşlanan işewürlik forumy geçirldi.
Çäre Investopia 2025 halkara maýa goýum forumynyň çäklerinde geçirlip, dürli ýurtlaryň işewürliginiň hem-de döwlet edaralarynyň wekillerini ýygnady.
Forumyň esasy maksady gatnaşyjylaryň arasynda ykdysady aragatnaşyklaryň pugtalandyrylmagyndan, söwdanyň we maýa goýum hyzmatdaşlygynyň ösdürilmeginden ybaratdy. Forumyň dowamynda möhüm mowzuklar, şol sanda energetika, oba hojalygy, tehnologiýalar we innowasiýalar barada maslahatlaşyldy. Foruma gatnaşyjylar täze işewür hyzmatdaşlygyň döredilmeginiň hem-de sebitde durnukly ykdysady ösüşi gazanmakda tejribe alyşmagyň wajyplygy barada bellediler. Şeýle-de bölümçe maslahatlary guralyp, olarda bilermenler hyzmatdaşlygy ösdürmek mümkinçiliklere bolan garaýyşlary bilen paýlaşdylar. Forumyň netijesinde özara düşünişmek hakyndaky birnäçe ähtnamalara gol çekildi, munuň özi bu ýurtlarda işewürlik üçin täze gözýetimleri açyp berýär.
ORIENT news
