Türkmenistan her ýylda geçirilýän TRACECA-nyň 17-nji mejlisine gatnaşdy
26-njy fewralda Tähranda her ýylky TRACECA-nyň 17-nji Hökümetara toparynyň mejlisi geçirilip, oňa gatnaşyjy-ýurtlaryň, şol sanda Türkmenistanyň wekilleri hem gatnaşdy. Duşuşygyň dowamynda sebitiň ulag özara baglanyşygynyň, durnukly ulag we ykdysady integrasiýa meseleleri ara alnyp maslahatlaşyldy.
Netijeli we durnukly ulag geçelgeleriň döredilmegine, sebitara hyzmatdaşlygyň pugtalandyrylmagyna hem-de ulag infrastrukturasynyň häzirki zaman talaplara uýgunlaşmagyna aýratyn ähmiýet berildi.
Gatnaşyjylar ählumumy söwda ýollarynda sebitiň strategiki orny barada belläp, ulag netijeliligini, şol sanda multimodal daşamalaryň ösdürilmegini we ulag syýasatynyň sazlaşdyrylmagyny ýokarlandyrmak boýunça çäreleri ara alyp maslahatlaşdylar.
Şeýle hem, Ýewropany, Aziýany we Ýakyn Gündogary birleşdirýän Yslamabad-Tähran-Stambul (ITI), Gyrgyzystan-Özbegistan-Türkmenistan-Eýran-Türkiýe (KUTIT), Täjigistan-Özbegistan-Türkmenistan-Eýran-Türkiýe (TUTIT), Bender-Abbas-Almaty, Gazagystan-Türkmenistan-Eýran (KTI) hem-de Gyrgyzystan-Täjigistan-Owganystan-Eýran-Türkiýe (KTAI) ýaly möhüm halkara ulag geçelgeleriň işleýşiniň meselelerine hem garaldy.
Türkmenistanyň TRACECA ylalaşygyna 2023-nji ýylyň noýabrynda goşulşandygyny bellemeli. Munuň özi Türkmenistanyň halkara ulag taslamalaryna gatnaşmagy we ýurduň üstaşyr mümkinçiliklerini giňeltmek üçin täze ýollary açyp berdi.
ORIENT news
