Täjigistanda Merkezi Aziýanyň iň uzyn köprüsi gurlar
Täjigistanda Merkezi Aziýanyň iň uzyn köprüsiniň gurluşygy başlap, ol ýurduň möhüm infrastruktura taslamasy bolar.
Gurluşyk baradaky ylalaşyga Täjigistanyň Ulag ministrligi hem-de Hytaýyň Zhejiang Communications Constructions Group Co.Ltd. kompaniýasy gol çekdiler. Köprüniň uzynlygy 920 m bolup, oňa barýan ýollary hasaba almak bilen, onuň umumy uzynlygy 1500 m bolar. Sebit üçin bu rekord görkezijidir. Köpri Nurabad etrabynda ýerleşip, Surhob derýasyndan geçer.
Köprüniň gurluşygy “Obigarm-Nurobod” awtoýolunyň taslamasynyň bir bölegidir.
Taslamanyň umumy bahasy 427,5 mln ýuan (takmynan,60 mln ABŞ dollary) bolup, onuň gurluşygy dört ýylyň içinde tamamlanmagy meýilleşdirilýär. Täjigistanyň ulag ministri Azim Ibrohim taslamanyň ýurduň ykdysadyýeti üçin strategiki ähmiýete eýe bolup, onuň öz bellenen möhletinde ýokary hilde gurulmalydygyny belledi.
ORIENT news
