Türkmenistan Howpsuz, düzgünleşdirilýän we yzygiderli migrasiýa üçin global ylalaşygynyň ýerine ýetirilişi boýunça 2-nji sebitleýin maslahatynda
Türkmenistanyň Döwlet migrasiýa gullugynyň başlygynyň orunbasarynyň ýolbaşçylygyndaky türkmen wekiliýeti BMG-niň Aziýa we Ýuwaş Umman sebitleri boýunça Ykdysady we durmuş komissiýasynyň şeýle hem Migrasiýa boýunça halkara guramasynyň bilelikde gurnamagynda Howpsuz, düzgünleşdirilýän we yzygiderli migrasiýa üçin global ylalaşygyň ýerine ýetirilişi boýunça ikinji Aziýa-Ýuwaş umman sebitiniň ýurtlarynyň sebitleýin maslahatyna gatnaşdy. Çäre Taýland Patyşalygynyň Bangkok şäherinde geçirildi diýip, Türkmenistanyň Döwlet migrasiýa gullugynyň saýtynda habar berilýär.
Türkmen wekiliýetiniň ýolbaşçysy öz çykyşynda Hormatly Prezidentimiziň baştutanlygynda Türkmenistanda geçirilýän ynsanperwer syýasaty barada aýratyn nygtap geçdi. Şeýle hem dünýäniň abraýly halkara guramalary we olaryň edaralary bilen hyzmatdaşlygynda ýurumyzyň toplan oňyn tejribesi barada gürrüň berdi.
ORIENT
