Türkmenistan we Özbegistan gümrük serhedinde geçirijilik ukybyny artdyrýar
Türkmenistan bilen Özbegistanyň gümrük gulluklarynyň arasynda geçirilen wideoaragatnaşyk arkaly maslahatda "Farap awtoýollary–Alat" barlag-geçiriş nokadynyň geçirijilik ukybyny has-da artdyrmak kararyna gelindi. Taraplar gümrük amallaryny gowulandyrylmagyny we tejribe alyşmak boýunça bilelikdäki çäreler barada ylalaşdylar.
4-nji fewralda geçirilen wideoaragatnaşyk arkaly maslahatda taraplar bu mesele boýunça birek-birege tekliplerini ara alyp maslahatlaşdylar. Bellenilişi ýaly, ýakynda "Farap awtoýollary" gözegçilik-geçiriş nokadynda geçirilen abatlaýyş işlerinden soň, bu nokatdan geçýän ulaglaryň sanynyň artýandygy anyklanyldy. Şeýle-de bolsa, bu görkezijini has-da ýokarlandyrmagyň mümkinçiligi bar, we bu mesele türkmen we özbek gümrük gulluklarynyň pikir alyşmagynyň esasy mowzugy boldy.
«Farap awtoulag ýollary–Alat» gözegçilik-geçiriş nokadynda meseleleri çalt çözmek maksady bilen, taraplar jogapkär işgärleri belläp, yzygiderli duşuşyklary gurnamak we Özbegistanyň daşarky ykdysady işjeňligine gatnaşýanlar üçin 2024-nji ýylyň iýun aýyndan Türkmenistanda işe girizilen öňünden deklarasiýa mekanizmi bilen tanyşdyrmak maksady bilen okuw çärelerini geçirmek barada ylalaşdylar.
ORIENT
