Türkmenistanyň saglygy goraýyş ulgamynyň barlaghana gulluklarynyň ösüşinde gazanylan üstünlikler ara alnyp maslahatlaşyldy
Şu gün Türkmenistanyň Saglygy goraýyş we derman senagaty ministrligi Bütindünýä Saglygy goraýyş guramasynyň Türkmenistandaky Ýurt edarasynyň ýardam bermeginde “2022-2024-nji ýyllar döwri üçin Türkmenistanyň saglygy goraýyş ulgamynyň barlaghana gullugynyň ösdürilmegini ýerine ýetirmegiň meýilnamasy” atly taslamasynyň durmuşa geçirilmeginiň ösüşini ara alyp maslahatlaşmak, şeýle hem saglygy goraýyş ulgamynyň milli barlaghana gullugynyň kuwwatyny pugtalandyrmak üçin çäreleriň täze meýilnamasyny işläp taýýarlamak üçin maslahat geçirdi.
Maslahata Türkmenistanyň Saglygy goraýyş we derman senagaty ministrliginiň, “Türkmenstandartlary” Döwlet gullugynyň, Döwlet etalon merkeziniň, Türkmenistanyň Oba hojalyk ministrliginiň ýanyndaky Döwlet weterinar gullugynyň barlaghana gullygy bilen baglanyşykly meseleler boýunça Milli iş toparynyň agzalary hem-de Arkadag şäheriniň, Ahal, Balkan, Daşoguz, Lebap we Mary welaýtlarynyň lukmançylyk işgärleri gatnaşdy.
Täze meýilnama häzirki bar bolan meýilnamanyň gazananlaryna esaslanyp, ýakyn ýyllara strategiki taýdan ileri tutulýan ugurlary kesgitlär.
Çäre “Merkezi Aziýa ýurtlarynda “Bitewi Saglyk” başlangyjyň çäklerinde pandemiýalaryň öňüni almak, olara taýýarlyk we täsir etmek” taslamasynyň goldawy bilen geçirildi.
ORIENT news
