Türkmenistanyň, Gazagystanyň, Russiýanyň we Eýranyň demirýolçylary Demirgazyk-Günorta ugry boýunça ýük daşamalarynyň mukdaryny artdyrmak meselesini ara alyp maslahatlaşdylar
Eýran Yslam Respublikasynyň Demir ýollarynyň, “Kazakstan temir žoly” MK paýdarlar jemgyýeti, “Russiýa demir ýollary” AGPJ-niň we “Türkmendemirýollary” agentliginiň wekilleriniň Almatyda iki günlük duşuşygy geçirildi diýip, “Rail-news.kz” habar berýär.
Duşuşyga gatnaşyjylar Demirgazyk-Günorta halkara ulag geçelgesiniň özüne çekijiligini ýokarlandyrmak meselelerine aýratyn üns berdiler. Duşuşykda Russiýanyň, Gazagystanyň, Türkmenistanyň üsti bilen Eýranyň Bender-Abbas portuna çenli gatnaw üçin amatly nyrh şertleri ara alnyp maslahatlaşyldy.
Maslahatyň ahyrynda taraplar bu ugur boýunça ýük daşamalaryň mukdaryny artdyrmaga we özara hyzmatdaşlygy has-da berkitmäge taýýardyklaryny mälim etdiler.
Duşuşygyň ahyrynda gazanylan ylalaşyklar boýunça barada teswirnama gol çekildi.
ORIENT
