Halaç etrabynyň ýaşaýjylary Kerkide biometriki pasportlaryny resmileşdirip bilerler
2025-nji ýylyň 1-nji fewralyndan Lebap welaýatynyň Halaç etrabynyň ýaşaýjylary Türkmenistanyň raýatlygy baradaky biometriki pasportlaryny almak üçin Türkmenistanyň Döwlet migrasiýa gullugynyň Lebap welaýaty üçin Kerki etrap müdirligine ýüz tutup bilerler. Bu barada Türkmenistanyň Döwlet migrasiýa gullugy ORIENT saýtyna habar berdi.
Türkmenistanyň Döwlet migrasiýa gullugynyň Lebap welaýaty üçin etrap müdirliginiň döwrebap dolandyryş binasy Kerki etrabynyň Kerki ş., Körbaşy köç., j.11 salgysy boýunça ýerleşýär.
Goşmaça maglumat üçin (800444) 2-05-16 telefon belgisi boýunça Müdirlige ýüz tutup bolar.
Bina dolulygyna häzirki zaman tehniki enjamlar bilen enjamlaşdyrylan, bu hem harby gullukçylara raýatlara döwrebap migrasiýa hyzmatlaryny netijeli ýerine ýetirmäge mümkinçilik berýär.
ORIENT News
