Ýewraziýa ykdysady bileleşiginde intellektual ulag ulgamlary ornaşdyrylar
Ýewraziýa ykdysady bileleşigiň (ÝAYB) çäklerinde intellektual ulag ulgamlarynyň (IUU) ornaşdyrylmagy meýilleşdirilýär, bu hem daşaýjylar üçin bitewi maglumat giňişliginiň döredilmeginde möhüm ädim bolar.
Ýewraziýa ykdysady toparynyň Geňeşi tarapyndan konsepsiýa kabul edilip, ol gatnaşyjy-ýurtlaryň IUU-nyň özara gatnaşygyny gowulandyrmaga gönükdirilendir. Bu konespsiýanyň durmuşa geçirilmegi daşaýjylara howa şertleri, mümkin bolan dyknyşyklar we ýol-hereket hadysalary barada standartlaşdyrylan maglumatlary almaga mümkinçilik berer. Bu bolsa ulag amallarynyň howpsuzlygyny we netijeliligini ep-esli derejede ýokarlandyrar.
Intellektual ulag ulgamlary infrastruktura düşýän agramy rejeli paýlamaga we milli ulag toplumlaryň işleýiş hilini gowulandyrmaga ýardam berer. Çalt üýtgeýän ulag akymlarynyň şertlerinde IUU logistikanyň ösdürilmeginde we ýol ýagdaýynda üýtgemelere täsir etmegiň tizliginiň ýokarlandyrylmagynda möhüm orun tutýar. Munuň netijesinde ÝAYB-ne agza-döwletleriň arasynda ulag infrastruktura babatda ýakyn hyzmatadaşlyk üçin hem şery dörediler.
ORIENT
