$340 müň gowrak aýlyk alýan programmist agyr durmuşyna nägilelik bildirdi
Ostin Nasso, San-Fransiskodan bir IT hünärmeni, ýyllyk girdejisi $340 müň geçýändigine garamazdan, ýokary çykdajylary sebäpli agyr durmuşa arz etdi. Ol bu nägileligini LinkedIn sahypasynda paýlaşdy.
Programmist salgyt tölenenden soň özüne bary-ýogy $220 müň galýandygyna nägilelik bildirdi. Ýylyň dowamynda ol $120 müň salgyt töleýär. Şol bir wagtyň özünde, onuň aýlyk çykdajylary $20 müň töweregi bolup durýar.
Bir aýyň dowamynda Nasso $9,5 müň jaý kireýine, $1,3 müň Tesla Cybertruck lizingi, $1,6 müň sargyt edilen işdäaçarlara, $200 kir ýuwmak hyzmatyna, $2,3 müň duşuşyklara, $2,6 müň lyža sporty bilen meşgullanmaga, $20 täze köýnek satyn almaga we $1,8 müň dynç alyşlara harçlady.
Onuň aýtmagyna görä, hepdesine 30 sagat zähmet çekip, uzakdan işlemäge garamazdan, her aý $1000 ýetmezçilik çekýär. Ol, ýyllyk $340 müň ýa-da aýlyk $28,3 müň gazanç bilen San-Fransiskoda ýaşaýşyň nämälimdigine düşünip bilmeýär, çünki bu girdejiniň üçden bir bölegi diýen ýaly salgytlara gidýär.
ORIENT news
