Aşgabatda dolandyryş we IT-ulgamlarynda tejribe ýarmarkasy geçiriler
27-nji ýanwarda “Arkaç” Söwda merkeziniň “Iş Nokady” maslahatlar zalynda tejribe ýarmarkasy geçirilip, onda kompaniýalar öz maksatnamalaryny hödürläp hem-de talyplaryň we uçurymlaryň arasynda ökde hünärmenleri tapyp bilerler.
Ýarmarka iş berijiler üçin tejribede gyzyklanýan ýaşlar bilen göni aragatnaşygy gurmak, öz kompaniýalary we dalaşgärlerden garaşýanlary barada aýdyp bermek üçin ajaýyp mümkinçilik berýär. Çäre peýdaly gatnaşyklary ýola goýmak hem-de topara geljegi uly bolan hünärmenleri çekmek üçin meýdança öwrüler.
Ýaş işgärleriň mümkinçiliklerini ösdürmekde gyzyklanma bildirýän edaralar diňe bir öz tejribe maksatnamalaryny pugtalandyrman, eýsem kompaniýanyň köpçülikleýin jogapkärçilikli iş beriji hökmündäki derejesini ýokarlandyryp bilerler. Çäre sagat 14:00 meýilleşdirilen, gatnaşmak mugt esasda amala aşyrylýar.
Hasaba durmak we goşmaça maglumatlar üçin “Orlan” iş agentligine (+99365)71-49-65 telefon belgisi boýunça ýüz tutup bilersiňiz.
ORIENT news
