Prezident Serdar Berdimuhamedow Türkiýe Respublikasynyň Prezidentine gynanç bildirdi
Ýanwar 22, 2025 | 20:20 |5328
Türkmenistanyň Prezidenti Serdar Berdimuhamedow Türkiýäniň Prezidenti Rejep Taýyp Ärdogana ýurduň Bolu welaýatynda ýerleşýän Kartalkaýa dynç alyş zolagyndaky myhmanhanada bolup geçen hem-de adam pidalaryna we şikes ýetmelerine getiren ýangyn zerarly gynanç hatyny iberdi. Bu barada TDH habar berýär.
Döwlet Baştutany şu agyr pursatda, ýurduň halkynyň we Hökümetiniň adyndan, şeýle hem hut öz adyndan gurban bolanlaryň dogan-garyndaşlaryna hem-de ýakynlaryna ýürekden gynanjyny we medet beriji sözlerini, ejir çekenlere bolsa, tiz wagtda sagalmaklary baradaky dileglerini beýan etdi.
Şeýle hem okaň:
Türk myhmanhanasyndaky ýangynyň netijesinde heläk bolanlaryň sany 76-a ýetdi
ORIENT News
