Türk myhmanhanasyndaky ýangynyň netijesinde heläk bolan adamlaryň sany 76 ýetdi
Türkiýäniň Bolu welaýatyndaky Kartalkaýa dag-lyža kurortynda ýerleşýän Grand Kartal myhmanhanasynda bolup geçen ýangyn ýurtda soňky döwrüň iň pajygaly heläkçilikleriň biri boldy. Soňky maglumatlara görä, heläk bolan adamlaryň sany 76 ýetdi.
Türkiýäniň içeri işler ministri Ali Ýerlikaýa 52 sany pida bolanlaryň şahsyýetleriniň kesgitlenendigi hem-de 45 sany jesediň garyndaşlaryna berilendigi barada habar berdi. Ministr olaryň maşgalalaryna we ähli türk halkyna öz gynançlaryny bildirdi.
Ýangyn wagty myhmanhanada 234 adam bardy. Deslapky maglumatlara görä, ýangyn dördünji gatda ýerleşýän restoran zolagynda ýerli wagt boýunça sagat 03:27 döredi. Ýangyn söndürijiler wakanyň bolup geçen ýerine sagat 04:15 geldiler, emma binanyň agaç gurluşy ýangynyň çalt ýaýbaňlanmagyna sebäp boldy.
Bu waka bilen baglanyşykly dokuz adam, şol sanda myhmanhanyň eýesi tussag edildi.
Türkiýäniň Prezidenti Rejep Taýyp Ärdogan 22-nji ýanwary ýurtda matam güni diýip yglan etdi.
Ýangynyň sebäpleri heniz anyklanmady. Prokuratura derňew işlerini geçirip, olar on günüň dowamynda tamamlanmaly.
ORIENT News
