Watikanyň gubernatory wezipesine ilkinji gezek aýal bellenildi
Ýanwar 22, 2025 | 15:24 |5928
Rim Papasy Fransisk Watikanyň gubernatory wezipesine monahinýa Rafaella Petrinini bellemek barada karar kabul etdi. Bu barada Vatican News habar berýär.
Bu waka Watikanyň 96 ýyllyk taryhynda ilkinji gezek bolup geçýär, sebäbi ozal bu wezipä diňe erkek adamlar bellenipdi.
Rafaella Petrini 2021-nji ýyldan bäri Watikan gubernatorlygynyň Baş sekretary bolup işläp gelýär. Ol mart aýynda 80 ýaşyna ýetjek arhiýepiskop Fernando Werges Alsagunyň ornuna geçer.
Şeýle-de, şu ýylyň ýanwar aýynda Rim Papasy Fransisk italýan monahinýasy Simona Brambillany Katolik Ybadathanasynyň dini ordenlerini dolandyrýan bölümiň ýolbaşçysy edip belledi. Ol Watikanyň taryhynda şeýle ýokary wezipä bellenen ilkinji aýal boldy.
ORIENT News
