GDA-da täze halkara kino sungatynyň festiwaly dörediler
Garaşsyz Döwletleriň Arkalaşygynda (GDA) “Arkalaşyk” ady bilen täze halkara kino sungatynyň festiwaly dörediler. Bu başlangyç Gazagystan tarapyndan teklip edildi hem-de GDA gatnaşyjy-döwletleriň goldawyny tapdy.
Häzirki bar bolan resminamalaryň taslamalary barada 21-nji ýanwarda Minskde geçirilen Bilermenler toparynyň mejlisinde maslahatlaşyldy.
Kinematografiýa boýunça iş topary duşuşykda gutarnykly işlenilen we ylalaşylan resminamalary taýýarlady.
Kino sungatynyň festiwaly GDA ýurtlarynyň arasynda kinematografiýa babatda hyzmatdaşlygy ösdürmek we milli kino sungatyny ýaýbaňlandyrmak maksady bilen geçiriler. Ol Gazagystandan başlap, nobatma-nobat her ýurtda iki ýyldan bir gezek geçiriler. Festiwalyň çäklerinde ýörite baýrak gowşurylar, bu hem döredijilik hyzmatdaşlygy we gatnaşyjylaryň arasynda tejribe alyşmagy has-da ösdürer.
ORIENT news
