TDHÇMB-da söwdalaşyklar: nah ýüplügi, “BND 60/90” kysymly ýol bitumy hem-de “SN-600” kysymly esas ýagy ýerlenildi
Ýanwar 22, 2025 | 09:11 |6523
21-nji ýanwarda, sişenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa we ýeňil senagaty önümleri ýerlenildi.
Türkmenistanyň işewür toparlarynyň wekilleri Türkmenistanyň Dokma senagaty ministrligi bilen nah ýüplükleri satyn almak barada geleşik baglaşdylar.
“Türkmennebit” Döwlet konserninden olar “BND 60/90” kysymly ýol bitumyny hem-de “SN-600” kysymly esas ýagyny satyn aldylar.
Söwdalaşyklaryň netijesinde umumy bahasy 5 665 000 manada barabar bolan 3 geleşik baglaşyldy.
Türkmenistanyň Döwlet haryt çig-mal biržasyndaky kesilen nyrhlar bilen şu salgyda tanşyp bilersiňiz.
ORIENT news
