BAE ykjam Internetiň tizligi boýunça öňdebaryjy ýurt boldy
Birleşen Arap Emirlikleri 2024-nji ýylyň dekabr aýy boýunça ykjam Internet tizligi boýunça öňdebaryjy ýurt bolup, onuň ortaça tizligi 453,87 Mbit/s deň boldy.
Bu dünýäniň dürli ýurtlarynda ykjam we hasaba alynan giň zolaklaýyn Internetiň tizliklerini deňeşdirýän Speedtest Global Index sanawyndan gelip çykýar.
BAE-niň üstünligi telekommunikasiýa infrastrukturasyna işjeň maýa goýumlary hem-de 5G tehnologiýalaryň ornaşdyrylmagy bilen şertlendirilen.
Ikinji ýerde sanlylaşdyrma möhüm maýa goýumlaryň we ulgamlaýyn infratsrukturanyň gowulandyrylmagynyň netijesinde 383,75 Mbit/s görkezijisi bilen Katar döwleti dur. Öňdebaryjylaryň üçlügini 257,30 Mbit/s görkezijisi bilen Kuweýt tamamlaýar. Bu ýurtlar döwlet syýasatyň we hususy maýa goýumlaryň Internet-hyzmatlarynyň hiliniň ep-esli derejede ýokarlandyrylmagyna getirip bilýändigini görkezýär.
Bu sanlar Speedtest guralynyň maglumatlarynyň esasynda düzülen. Her gün millionarça adamlar öz birikmesiniň hilini barlamak üçin bu guraly ulanýarlar. Ulanyjylar tarapyndan öňe sürülen bu test-barlaglary ulanyşyň hakyky tejribesini hem-de iň anyk we hakyky görkezijilerini berýärler.
ORIENT
