Türkmenistanyň Halk Maslahatynyň Başlygy Gurbanguly Berdimuhamedow Monako Knýazlygyna sapar bilen ugrady
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Monako Knýazlygyna sapar bilen ugrady.
19-njy ýanwarda, ýekşenbe günündäki "Watan" habarlar gepleşiginde habar berlişi ýaly, Türkmenistanyň Halk Maslahatynyň Başlygy sapara ugramanka Aşgabadyň Halkara howa menzilinde köpçülikleýin habar beriş serişdeleriniň wekilleri we Hökümet agzalary bilen söhbetdeş boldy.
Gurbanguly Berdimuhamedowyň belleýşi ýaly, şu ýyl Türkmenistan bilen Monaka Knýazlygynyň arasynda diplomatik gatnaşyklaryň ýola goýulmagyna 10 ýyl dolýar, bu sapar iki ýurduň arasynda dürli ugurlarda hyzmatdaşlygy ösdürmekde möhüm tapgyr bolar. Şunuň bilen baglylykda bu wakalary köpçülikleýin habar beriş serişdelerinde giňden wagyz edilmelidigi barada tabşyryklar berildi.
ORIENT
